Main Apani Matribhumi ki vandana karata hoon. Aapni Matribhumi ke liye kuchha kar gujarane ki abhilasa prarmbha se hi man me hai. Kai varsa purva apni matribhumi ko chhod kar jab haiderabad basa to man me ek tees thi. Kab hoga is kshetra ka vikash, marwar ka upekshit kshetra, shekshanik, aarthik aur audhyogik drasti se pichhada Jila, charo taraf dhore retili dharati, door-door tak ret ke tile yahan ke jeevan vyavastha sirf aur sirf barsat. Indradevata ki maharbani rahe to kshetra ka vikash aur usi ek fasal par kishan ka jeevan nirvaha hota hai. Koi Collage nahi, Koi udhayoga Dhandhe nahi. Yaha ka Vyakti dhan kamane hetu Bharat ke kone kone me basa hai. Apni Matribhumi par petrika Aalishan makan lekin paarivarik vikash aur dhan arjit karane hetu bahar pravashi kisi ne is kshetra ke vikash par dhyan nahi diya. Aise me man me ek vyatha, ek chintan lagatar chal raha tha. Kaise is kshetra ka vikash ho, kyon nahi ek samajik santha prarmabha ki jaye jisake madhyam se samajik, sanskrtika, aarthik aur naitik uthan sambhav ho.

        Kai varsho ki socha ke bad nirantar prayasho se yahan Bharat Vikash Parishad ki Shakha Prarambha hui. Tab laga ek platform ban chuka hai. Ab is ke madhyama se kuch sthai prakalp hetu prayash karane chahiye. Isi bich Marine Line JC, Mumbai Se jude kuch bandhu Hyderabad padhare tatha tab subhi bandhuo ko vahan ki karyashala dikhaye gaya. Avalokan ke bad usame aaye Shri Prakash Kanungo jo bade Udhayogapati ke sath kai samajik aur dharmik santhano se jode hone ke karan kaphi prabhavit hue. Maine meri kalpana, meri mansa unake samne rakhi bad me kai baar anya karyakarmo me, jab bhi bhet hoti, batachit age badhate gaye. Tatpasachat maine unhe Mumbai me Rastriya Samuh gan Pratiyogita ke akhil Bharatiya Ayojan me Athithi ke rup me aamantrit kiya tatha Bharat Vikash Parisad ke karyo ka Avalokan karvaya jisase kaphi prabhavit hokar isase mansik rup se jud gaye.

        Mere mitra ke sath vyaktigat achchhe sambandhon ke karan dusri baar phir Ambala me akhila Bharatiya Rashtriya Samuhagan karyakarm me agrah karane par padhare. Sath hi humari seva karya hetu batachit bhi lagatar sampreshit hoti rahi. Lagatar aise karyarkarmo me judane par Shri Prakash Kanungo ne apne man ki baat mujhe batai. Kyon nahi Hyderabad jesa ek Viklang Kendra Sanchore me bhi banaya jaye. Tabhi sath mila-betha kar is yojana par karya prarambha kiya aur Sanchore parvash ke samay Bharat Vikash Parishad ki baithak me is vishaya par charcha hue subhi ki sahamati se is prakalp ko prahambha karna ka nirnaya liya gaya. Turanta mere agrah karane par 2 vyaktio ki khoj kar unha Hyderabad bheja gaya. Jaha par 6 Maha tak Hyderabad ki Technician dwara training de gai. Tatpashchyat avashayak machinari aur kachche mal ke sath unhe Sachone bheja gaya. Ab Jarurat thi sthan ki. Humane Shri Prakash ji Kanungo ke samane nivedan kiya. Turant unohane apane Farm House, Hadesha Road par asthai jagah karya shala prarambha karane hetu upalabdha karayi. Sari Machine, Kachcha mal aur Hyderabad se training liye Technician ke sath Hyderabad ka Technician bhi aaya tatha yaha karyashala me Machino ki Fitting kar karya prahambha kiya gaya.

        Marwar aur Gujrat kshetro me patra-patrikao, T.V. Cable, hording aur anya Madhyamo se jordar prachar-prasar kiya gaya. Benner, Poster ke sath-sath pamplats bhi gramin ilako me bate gaye. Is prakar athak prahasho ke bad 22 August 2005 ko kendra prarambha kiya gaya. Pratham Vikalanga Bhai jo Sanchore Ki sanstha ka manager tha, jisake ek hath nahi tha, use kratrim hath laga kar karya ka shubharambha kiya gaya. Ek bar karya prarambha karne ke pashchat nirantar age badhate gaye, Piche muda kar nahi dekha aur tab se ab tak 2 varsho me 258 kratrim anga laga gaye. Jisame kritrim hath-pav, kaliparas bana kar nishulka pradhan kiye gaye. Karya ko vyavasthit swarup pradane karane aur adhik se adhik logo ke judav hetu “Cheritable Trust” ka gathan kiya tatha pehli baithak ka motto tay kiya gaya. “Marwar Kshetra Viklang Mukta Bane” Prachar-prasar pashchima Rajya ki Boliyo ke madhyam se kiya gaya. Inhi athak prayasho ke phal swarup 2 vishal viklang Camp ka ayojan kiya gaya. Pehla Camp Sumerpur me 16-10-2005 ko laga jisme 840 Viklang vyakti labhanvit hua. Dusra Camp Sanchore me 31-11-2005 ko laga jisme 375 viklang bandhu labhanvit hua. Sumerpur ke camp ko Desh me Sarvashreshtha ghoshit kiya gaya. Jisme Sub se jyada viklang bandhuo ki Bhagidari rahi. Usi samaya samaj ke kai ganmanya pramukh logo ne kendra ka nirikshan kiya. Kai Bhamashaho ne apna dhan dene ki ichchha prakat ki tabhi vichar aya kyon nahi prashad ka apna bhavan nirman karaya jaye. Apni Dili Ichchha ko Shri Prakash ji Kanungo se prakat ki Shri Prakash ji Saharsh iske liye taiyar ho gaya. Apne putra ke upalaksha me na keval apni jamin apitu bhavan bana kar diya. Apne Farm House me 2550 Sq. Feet ki jagah ke sath 1650 Sq. Feet tal manzil nirman kar apne putr ki shaadi ke avshar par Trust ko Bhet kar ek adthut udaharna prastut kiya. Apne putra ki shaadi ke card me bhi ise ankit kiya. Thode se samayantral mehi shaadi se purva bhavan ka nirman hua aur 14 Feb. ko shaadi ki Purva sandhya par Udghatan karya sampann hua. Sare Bharat me is karya ki sarahana hui. Usi samay mere man me ek aur yojana chal rahi thi. Humara kshetra dur-dur dhaniyon me basa hai. Road hai par gaon me ek – do buse hi chalati hai Dr. Bahut kam jagah par hai. Davaiyon ki vyavastha bhi nahi hai. Ek taraf Pakisthan se sata humara kshetra, har drishti se upekshit raha hai. maine apne parivar se vichar vimarsh kar ek Ambulance parishad ko dene ki ghoshana ki. Magar aur 7 Lac. tak pahuncha jo unhone sahridayata ke sath vahan kiya aur Mobile Hospital hetu 25000 ka prati mah ka vyaya Sponcor ki ghosana hue. Kuch hi samay me kareeb 24 Bhaiyo ne prati mah ka kharcha vahan kiya. Is prakar yah dono yojana achchi tarah kushal technician aur doctors ke dwara chal rahi hai. Yah mobile teem char saptah char din gramin upekshit kshetro me apni sevaye deti hai. Ek din kendra par apni seva deti hai. tatha ek din schooli bachchho ke svasthaya ka parikshan karati hai. Avkash ka samay mobile seva anya jagah rogiyo ko pahunchane ka karya bhi karati hai. Is prakar 25 varsh purva maine jo swapna dekha tha tatha lagatar jiske liye dimag me jaddojehad chalati rahi, un sabhi karya ko apne sathiyo, parishad ke sadasyon ke sahiyog se purn kiya aur jivan me dekhe gaya sapano ko purnata pradan hone se atmik santushti prapta hui.