Rajasthan Marwar ke saput shri Prakashamal Chhaganalal ji Kanungo ka Janma 2 Julay 1953 ko Shri Chhaganalal ji S/o Ghamandiramji Kanungo ke yah sanchore me hua. Aapne ganva me hi Seniore Higher Secondary tak ki shiksha arjit kar Mumbai me apna Business prarambha kiya. Pichhale 30 varshon se aapane aapani karya kushalata, Kadi mehanta, pakka irada aur Duradrasti se apane Business me Uttarottara vriddhi kar Mumbai Market me apani alaga Pahachan banai hai.

        Aap apne karyo ke parti sajag aur nishthavan vyaktitva ke dhani hai. Samaj seva ke karyo me aapki vishesha ruchi hai. Aapke dwara vividha dharmik, Samajik, Shekshanik Aur sanskrutik seva karyo me sahayog kiya jata raha hai. Shiksha Jagat me Utkrishtha Seva karyo ke phal swarup 1996 me Rajasthan Sarkar dwara Aapko Bhamashah Award se nawaja gaya hai.

        Aap Sachchi manav seva aur shiksha ke Utthan ke paksha dhar hai. Aap Shri Jain Swetamber khartargachchha sangha, Mumbai ke Sansthapak Adhayaksha hai Aur Jain Swetamber khartargachchha sangha, Sanchore ke Adhayaksha rah kar bhi, Aapne anek uttkrishtha Seva karyo sampadhan kiya hai. Aap Jain International Trade Organization ke Chief Editor Chief Pattern aur Mumbai Zone ke Mananiya Upadhayaksha hai. Aap Shuprasiddha Samaj sevi sanstha Marin Line JC Mumbai ke Sakariya Padhadhikari hai. Aapke Seva bhavi vyaktitva ke karana Aapko Jinkushalsuri Dada wadi sansthan Shankheshwar (Gujrat) ke varishtha Upadhayaksha ka dayitav diya gaya hai. Aapne Sanchore me Mahaveer Balaniketan (Upper primery) Vidhyalaya ka bhavan nirmit karvakar aur Hadecha Road Mahaveer Balaniketan Vidhyalaya ke main get ke liya dan dekar shikha kshetra me stutya yogadan diya hai.

        Bharat Vikas Prishada se Aapka gahara judav raha hai . Aap aur Aapki sanstha Prakasha Foundation dwara Anumanit 20 Lakh ki lagat se Aapne Putra Shri Vimal Kanungo ke Vivah ke upalaksh me Hadecha Road Sthit Aapne Krishi Form me se 2550 Varg Feet Jamin me Viklang Sahayata kendra ke liye 1650 Varg Feet Bhavan Nirman kar parishad ko supurda kiya hai. Jo nishakta jano ki seva ka Utkrishta aur preranaspad udaharan hai.

        Itana hi nahi viklang Sahayata kendra ke liya tamam Mashinary tatha 2 varsha tak ka sampurna Vyay ka vahan kar Sanchore Jaise door-daraj kshetra me Viklango ki sahayata me Aapka Yogadan stutya hai.

        Aap Bharat Vikash Parisad Cheritable Turst Sanchore ke Adhyaksha ka dayitva nirvahan karte hue pidit manavata ki seva ke prati samparita hai.

        Bharat Vikash Parisad Sanchore Aapke tyag aur samajik seva bhavana se abhibhut hokar bhav vivhila man se kritgyata prakat karate hue Aapke Ujjaval Bhavisya ki shubhakamana prakat karati hai.

        Bhavisya me bhi aapke sakriya sahayoga tatha margadarshan ki apeksha ke sath.